للمليك وللحكومة وللشعب الغيور |
ولوزير الداخلية جعل ما سمع بحزنه |
وللأمير محمد النادر الفذ الصبور |
نرفع آيات التهاني وكل بسكنه |
ترفع أكف الضراعة من الشعب لشكور |
لمن دحر كيد المنافق ولو كان ضمنه |
لو تحيزم بالقنابل وجا وسط القصور |
خاذله ربي ومخذول من ينشد عنه |
ما يهدون الجبل لو يهوزون الجسور |
ثابتٍ الحكم السعودي قبل مية سنه |
ثبته عبدالعزيز وصار لطوال الشبور |
والأمن ما بين نايف ومحمد مزينه |
الظفر موجود فالراس والفعل مخبور |
مارتعد يوم أسود الوجه بالغدر محنه |
من سلايل حرٍ أشقر ومن ماكر صقور |
جاذبه نايف بطيبه وجا نسخه منه |
ما نقول إلا لمحمد ولد نايف طهور |
الله يجزي كل إصابه بمليون حسنه |
فكك الله يالسنافي من أفعال الغدور |
وصب كيد المعتدي فوق راسه وبدنه |
فاتحين الباب للعفو يا وساع الصدور |
وبتلاكم طايح الحض باللي يدفنه |
وإنعثر حيثٍ مسعاه فاشل ومعثور |
خاين نفسه وأميره ودينه ووطنه |
راحت أشلاء جثته مثل جناح الطيور |
فجره قو اللغم وأختفى كل ضعنه |
ضربةٍ في كبد من بادله نفس الشعور |
فشل الله كيدهم لو الأمير حضنه |
نحمد الله يوم نجاك يا نمر النمور |
قدم عينك فجر الله عدوك ومهنه |
عبدالله بن عبيد العتيبي - ساجر |
|
