نجدد العهد والبيعة على الملة |
للي يقود السفينة خير رباني |
في بحر موجه بريق سيوف منسله |
يمخر عبابه ويوصل بر الأماني |
الفارس الشهم الضرغام عبدالله |
درع الجزيرة ذراها الرافع الباني |
وعضيده الحر سلطان الكرم والله |
يدينه أندى من اسخى الناس من كاني |
الجود دربه ولو مهما درس دلّه |
له به نياشين باخصها كحيلاني |
والنائب الثاني له التقدير ونجلّه |
يا ما سهر حتى يخلي نومنا هاني |
نايف ولو حاولت أرقى صعب أصل له |
قمة تواضع وحزم الصارم الحاني |
وإخوانه الغر عند الشور ذخرٍ له |
سهامٍ سديدة ولا يثنيهن الثاني |
الكايد يهون إن رازوه بإذن الله |
حكمه وتدبير منهج طير حوراني |
والشعب وافي لكم ويبايع بكله |
تصافح قلوب قاصيهم مع الداني |
ولسان حاله يلهج بالدعاء يالله |
سدد خطاهم لرفعة تاج الأوطان |
أول بيوت الناس فيها وارفن ظله |
منه الهدى لاح يبقى طول الأزماني |
أرضن غنية بأهلها وخصها الله |
بأسمى الرسالات فيها عزّ الإنساني |
وصلُّوا على المبعوث رحمة وآلٍ له |
وأصحابه اللي نهلوا من فيض قرآني |
أعداد ما خط القلم من دقة وجلّه |
وعد المخاليق خافيها وما باني |
خالد العلي |
|
