الشاعر الكبير والعلم أحمد الناصر الشايع.. من أعلام شعراء المحاورة في المملكة والخليج العربي.. بدأ مسيرته الشعرية في فن المحاورة وهو في سن الرابعة عشرة من العمر وقارع كبار الشعراء وقد وهبه الله جمالاً في الصوت، وكذلك شاعر نظم كبير له قصائد كثيرة ومتنوعة تغنى بها الكثير من رموز الفن الشعبي، وإليكم مقتطفات من محاورات هذا العلم.
|
من محاورة بينه وبين الشاعر
|
الكبير علي أبو ماجد رحمه الله.
|
|
يقول المولع اللي خاربٍ عقب السفر ذوقه |
سلام الله عليكم يالرجاجيل المشاكيلي |
انا ودي بخصم هرجته بالحيل ماثوقه |
ابا امشي له مثل ماهو بالمحضار يمشيلي |
|
بعد جتنتا من اللي بالمحاضر عامرٍ سوقه |
هلا يامرحبا ماهل هتاف الهماليلي |
يقوله واحدٍ يعطي قبيلة مثل منطوقه |
وأنا من قد حالي لي مظاهير ومداخيلي |
من محاورة مع الشاعر الكبير حمد المغيولي رحمه الله:
|
|
مرحبا شرفتوا الدار يالربع الحشام |
شرف الله قدر ربع يلبون الطلب |
والله ان الليل يحتاج وقفه واحترام |
والتعارف للتوالف تراه اصل السبب |
|
مرحبا في ربعنا هالزمان وكل عام |
والمعرفة ماشي سلمها عند العرب |
ليلنا هذا علينا مثل عيد الصيام |
يالله انك لا توفق سنع رجلٍ كذب |
|
أحمد الناصر ترك ربعه وعود للزراعه |
يسبر الرشاش والرشاش ماتدمع عيونه |
في صلاة العيد ماشفناه في صف الجماعه |
عن صلاة العيد مانبغى الخبول يعطلونه |
|
الزراعه يالثبيتي كلها عز وشجاعه |
تغني الرجال والديان يستوفي ديونه |
الصلاة بكل ديره والرسول إله الشفاعه |
والسنين طوال دام الراس ماسكته متونه |
ومن محاورة بينه وبين الشاعر الكبير شليويح بن شلاح المطيري
|
|
يا سلام الله عليكم عد ماتذري الهبايب |
عد ما تذري الهبايب قلتها من صدق نيه |
ياجماعة خير شفت الوقت به مخطي وصايب |
ماحصل ناخذ مع اهل الملعبه روحه وجيه |
|
مرحبا بالشاعر اللي ما تزعزعه النوايب |
مستعدٍ للنوايب بالصباح وبالعشيه |
كان ودك يا أحمد الناصر على عوج الطلايب |
عوضوا عيد رمضان بعيدكم عيد الضحيه |
ومن محاورة بينه وبين الشاعر الكبير صياف بن عواد السحيمي رحمه الله
|
|
مرحبا عد ماتسري نجوم السماء فالليل |
ردةٍ وافيه نبدي بها عند واجبها |
بس انا والطواري والهواجس حط وشيل |
عام اصدق هواجيسي وعامين اكذبها |
|
البقا بالعميل اللي يمد الحن بالحيل |
من رجال زمان العام تفتل شواربها |
أحمد الناصر اللي عام الاول يسج الخيل |
السنه ذي يربط راسها قبل يركبها |
ومن محاورة بينه وبين الشاعر الكبير مستور العصيمي
|
|
من عادة الطرقي يجيب علوم ويودي علوم |
وانا سمعت علوم جتني لاحلال ولا حرام |
لو تضحك الدنيا لاهلها يالعصيمي ماتدوم |
ترقد عيون العالمين وعين ربك ماتنام |
|
تبا تجيك علومنا وانت متريح ومخدوم |
وليا وصلك العلم هات البندقية والحزام |
الناس تصنع يا أحمد الناصر فرنجي وروم |
وأنته وانا في ذا البلاد اخبارها خير وسلام |
وفي الختام نتمنى لهذا العَلَم دوام الصحة والتوفيق ومديد العمر، وإلى القاء مع علم من أعلام المحاورة.
|
|
زهران عون الله المطيري – بريدة |
|
