قتلت نشوه فرحتي فيك يازين
|
ومات الوليد وراح ما اكمل شبابه
|
كنت استعد أفرش لك القلب والعين
|
وأحط لك صدري مزار ورحابه
|
وأروي ظمأ قلبٍ جريحٍ له سنين
|
لاقى من الحرمان هم وكآبه
|
وأعطيك من شوقي زهور ورياحين
|
ومن الحنان أرويك صافي شرابه
|
واليوم لي قدمت كل البراهين
|
أنك مجرد قاع يلمع سرابه
|
قصة وهم من دون روح ومضامين
|
وما به مطر من دون غيم وسحابه
|
خلاص أبمسح سيرتك والعناوين
|
وش لي بشخصٍ خاب كل الرجاء به
|
وداعة الله والأماني ملايين
|
وأسمح وسامح والظروف إتشابه
|
محمد الخربوش |
|
