إيه احبه واتبعه واتبع اخطاه
|
ايه آلد بدرب مسفاره وابيه
|
هو شقا قلبي وهو غاية مناه
|
ايه منديله معي والعطر فيه
|
ما حلا ذكره وكله ما حلاه
|
منيتي قربه واريده واشتهيه
|
ساعة ضميت رملٍ قد وطاه
|
ما خلق شي حرام اندم عليه
|
مير بي يالغاليه سوا سواه
|
ما يسويها ولد ثار لا ابيه
|
ما مشالي درب وان صار ومشاه
|
ينهي الخطوة وقوف وما يجيه
|
ارتحل عني بطا وابعد مداه
|
قال: عدي والجفن شوق اكحليه
|
قيد احساسي وفا واطلق رشاه
|
وانتحى عني بلا ذنب وجيه
|
شوق اشوفه شوق يا ريم الفلاه
|
انتظر وصله واتوقه وارتجيه
|
تخبرين القلب وش علمٍ خفاه
|
وان سألتي قلت: احبه ايه ايه
|
|
