يا منزّل القرآن يا عالي الشان
|
يا حي يا قيوم والي المقادير
|
يالواحد المعطي رحيم ورحمان
|
ياللي بحكمك تجري الريح واتسير
|
يا محيي عقب المحل خضر الأغصان
|
رجع لنا سلطان من يم اغادير
|
سلام يا سلطان سلطان سلطان
|
سلام أطيب من عبير المباهير
|
من نجد اكاليله زهور وريحان
|
ينساق لك بازكى رحيق النواوير
|
متى تباشر بك ابويب وبنبان
|
ومتى تشوفك بالمطار الجماهير
|
الدار في شوفتك هايم وشفقان
|
صادق مشاعر ما بها أي تزوير
|
هذي شعور الدار ما هيب بهتان
|
غنت على شوفك تسوق التباشير
|
والا حنين الناس لك خير برهان
|
يظمون شوفك لو على جمة البير
|
اصغرهم اللي بالمهد تو صبيان
|
يقول خذ عمري ترى جاك يا مير
|
واكبرهم اللي دعوته سر واعلان
|
يدعون لك تعداد ما غرد الطير
|
يا كاشف لايوب ضره والاحزان
|
انك تجيبه بالسلامه على خير
|
هذي مشاعر حال من حب سلطان
|
لاجل الولاء سطر لك الحرف تسطير
|
ويا منجي اللي بالظلامين غرقان
|
رجع لنا سلطان من يم اغادير
|
فايز لافي العنزي- الرياض |
|
