يا نجمة الصبح كبدي منك مرهوقه |
ليا شع نورك علينا لا تغيبيني |
ستاير القلب من فرقاك مفتوقة |
أصبر من العام لين انك ذبحتيني |
لبيك ياللي تتل القلب وعروقه |
كله على شأن يوم أنك تلبيني |
يا قلبي اللي من الغالي دنا عوقه |
يا ناس أشيروا عليها لا تقاصيني |
وان كان قلبي تليش عنه صندوقه |
شدوه لين أتجود فيه بيديني |
قالوا معاليق قلبك منه مسروقه |
قلنا خذتها الضحى والناس واعيني |
تلحني لح ركبن عجلو سوقه |
أوجل ذود مسريهن شيابيني |
عديت عن مبسم المحمول لاذوقه |
أنا بلاي الحيا وأدري على ديني |
الود لو نتركه عنا وطاروقه |
اضني أرتاح وأنتي تستريحيني |
يا ليت ربي ومر خالد على شوقه |
يفك حبله ولو يعط الملاييني |
يا الله يا خالق الدنيا لمخلوقه |
تقدر على الموت تذبحني وتحييني |
تلم شملي لا بد الروح مرفوقه |
بأربع هناديس في قبري تخاويني |
نمر بن صنت |
|
