شفت العذاب ألوان من جور صدك |
هجرك عذاب القلب والقرب غايه |
أحرجتني بالصد يا زين حدك |
فرقاك صارت بالهوى لي حكايه |
يا منيتي إبعد اذا كان ودك |
لا تستبيح العاطفه في هوايه |
قلبي يودك والمشاعر تودك |
ومصيرنا بالحب درب النهايه |
كرهتني بالحب من هول ردك |
ومن قبل أعدك للمخاليق آيه |
ضيعتني ما بين جزرك ومدك |
تلعب بي الأمواج وانتي معايه |
انتي وانا والحظ ضدي وضدك |
كنا خلقنا للشقا يا منايه |
فارس الصميدان |
|
