بين النسايم غرب ومساجع الورق |
سحر الغرام اللي سرق لذة النوم |
شفتك قبالي والنواظر لها زرق |
ترسل على قلبي من أهدابك سهوم |
بينك وبين البيض لا وقفن فرق |
أنت القمر والبيض من حولك نجوم |
عن حب غيرك رافع أقلامي الزرق |
والصحف جفت ما لها عنك مقسوم |
أنت الذي يزهى لك القاف والطرق |
وإلا لغيرك يعجز الشعر ويشوم |
وصلك سحاب سابق رعده البرق |
وصدك فيافي ممحله قيظ وسموم |
أسق الخفوق اللي طرقه الهوى طرق |
معاد خلابي من الصبر لو يوم |
يا طير ليته غرب دارك وأنا شرق |
أنساك كيف ؟ وفي سماء نجد لك حوم! |
بدر سلمان المطيري |
|
