الشعب شفقانن على شوف سلطان |
والمملكة تشفق ومكة وطيبه |
سلطان سلطان السعد طير حوران |
ابن الإمام اللي فعوله صعيبه |
ولي عهد المملكة درع واركان |
هو درعها لجاء نهار المصيبه |
في غيبته جتنا هواجيس وأحزان |
غاب الفرح عنا ولا هي غريبه |
وشلون نفرح وهو في ذيك الأوطان |
والله ما يفرح صغيرٍ وشيبه |
نفرح اليا قالوا هبط بأم جنحان |
بارض الوطن في عاصمتنا الحبيبه |
ونستقبله بالطيب ودلال رسلان |
وكلّ يزف التهنية مع نديبه |
ومع ايمنه راع المواقيف سلمان |
أبو فهد اللي غمرنا بطيبه |
أمير نجد ومرويٍ كل عطشان |
أقولها من دون شك وريبه |
وأختامها صلوا على نسل عدنان |
على نبين كلنا نهتديبه |
مطلق خالد بن نحاء الرويس |
|
