الخيل لو هو خوك لا تعتزي به |
والكفو خاوه لو من أقصى القبايل |
أنا اشهد إن بعض القرايب مصيبة |
لا نافعك قربه ولا هوب حايل |
لو كنت ما تطمع بخير يجيبه |
ما كفّ شره عنك شين العمايل |
لا واعذاب اللي حريبه.. قريبه |
وش حيلته لا جاه مخطي وعايل؟! |
الحلم: يحسبه المغفل غليبه |
والجهل: يلحقك العتب والعذايل |
ولا يهمه جود فعلك وطيبه |
ينسى معاريفك وكل الحمايل |
مغرور يبقى يستر الكبر عيبه |
هو ما درى إن الكبر راس الفشايل؟ |
يا (هيه) هذا عار والكذب خيبه |
عطنا على مدحك لنفسك دلايل |
وش تفتخر به غير نمه وغيبه |
ولسانك العقرب وشين الرسايل؟! |
وكل يسده يابن الاجواد جيبه |
والزين مارجّل بنات الحمايل!! |
ما عاد تاسعك الصدور الرحيبة |
في كل يوم نشوف منك الهوايل |
لا بد للمخلوق يأخذ نصيبه |
يا ليت عن بعض القرايب بدايل |
شعر: عايض بن مساعد (مداعب الحروف) |
|
