وين أنت يا وجهٍ قعدت أتحراك
|
بين الوجيه الراحله والمقيمه
|
كن الليالي واعدتني بلقياك
|
بين البشر وإلا على متن غيمه
|
القلب حطك في سويداه وأخفاك
|
عن عالم النسيان ضمك صميمه
|
واستبدل الدنيا الوسيعه بشباك
|
يفتح على جنة هواك.. وجحيمه
|
وكل المدى لا ماك فرقاك ذكراك
|
ويستعرض سنينه هزيمه، هزيمه
|
كم له يكابر لا تعطر بطرياك
|
كم ليلةٍ فيها نديمه.. غريمه
|
والبارحه مال الهوى به وناداك
|
كثر التحمل والتجمل يضيمه
|
مشتاق لك وش يعني الشوق لولاك
|
يا اللي جعلت لقسوة الوقت قيمه
|
هذا اعترافه بانكساره لفرقاك
|
يا اللي قريب ولا شعر بك نديمه!
|
تبعد ولكن موقعك دايم هناك
|
عن عالم النسيان ضمك صميمه
|
مشعل الفوازي |
|
