وين أنت يا وجهٍ قعدت أتحراك |
بين الوجيه الراحله والمقيمه |
كن الليالي واعدتني بلقياك |
بين البشر وإلا على متن غيمه |
القلب حطك في سويداه وأخفاك |
عن عالم النسيان ضمك صميمه |
واستبدل الدنيا الوسيعه بشباك |
يفتح على جنة هواك.. وجحيمه |
وكل المدى لا ماك فرقاك ذكراك |
ويستعرض سنينه هزيمه، هزيمه |
كم له يكابر لا تعطر بطرياك |
كم ليلةٍ فيها نديمه.. غريمه |
والبارحه مال الهوى به وناداك |
كثر التحمل والتجمل يضيمه |
مشتاق لك وش يعني الشوق لولاك |
يا اللي جعلت لقسوة الوقت قيمه |
هذا اعترافه بانكساره لفرقاك |
يا اللي قريب ولا شعر بك نديمه! |
تبعد ولكن موقعك دايم هناك |
عن عالم النسيان ضمك صميمه |
مشعل الفوازي |
|
