سجه مع الهاجوس طبيعة لي |
طبيعةٍ باموت ماجزت عنها |
أشكي على الخلاق وارفع له يدي |
لاكثرت الأفكار يفك منها |
أما الكرم قد فاز به حاتم الطي |
حتى الفرس من شان ضيفه طعنها |
خلوني أكرم في حياتي وانا حي |
ولامت مدري جثتي من دفنها |
خلقت في الدنيا وانا مامعي شي |
وبروح منها مامعي شي منها |
مسكين ياللي تحسب الواجد شوي |
والعافيه لو تنشرى وش ثمنها |
يا جاهل الدنيا تراها كما الفي |
ياما اخبل اللي في حياته ومنها |
إن ناحرت لك قامت تروح وتجي |
مثل الذلول اللي طويلٍ رسنها |
وإن دبرت خلتك طايح ومرمي |
وكم واحد له حاجةٍ ماضمنها |
لابد ما نرحل عن المزح والغي |
ونسكن بيوتٍ قبلنا من سكنها |
النفس مثل الغصن عايش على الري |
ولولاه كل الناس عافت وطنها |
يالله عسى الحسنات تقضي على السي |
لاقربوا للنفس ذرعة كفنها |
مبارك بن فايز السبيعي |
|
