|
شعري اللي كتبته بالدموع |
ما رسمته ترف والا هوايه |
ذاك جرح شكت منه الضلوع |
يروي بدم خفاقي حكايه |
أحرق العمر بدروبي شموع |
واتبع الحلم لحدود النهايه |
البس لمعركة عمري دروع |
وارفع بجوها للعز رايه |
أبحر الليل والعالم هجوع |
والسفينه لها الأمجاد غايه |
والنجوم بسما ليلي جموع |
والدجا مسرح وحزني روايه |
والقصايد تجي من كل نوع |
والمدامع لها حبر وبدايه |
القدر طعنة (الشلفا) تروع |
من يمينه لها بالصدر آيه |
يا إلهي لك اعلنها خضوع |
مؤمنه فيك والدنيا ورايه |
صابره لو بدا مني جزوع |
يا إلهي برحمتك الكفايه |
بدر البدور |
|
|
|
|
|
