قصرت عنك أخطاي يا فاتن الجيل |
دربك غدا حساس وانا حياوي |
واثر التشتت بالهوى يبهت الحيل |
لا سنّدت رجلك. وقلبك نحاوي |
أقبل عليك أحيان واذكر هل القيل |
وأغير النيّه. وأنا كنت ناوي |
ان طاحت الدمعة تحتها المناديل |
وان طاحت السمعة تحتها البلاوي |
أبيك مثل النجم في صفحة النيل |
فالماء يلوح وفي مقرّه سماوي |
وعن عالمٍ موحش مثل غابة الفيل |
أغرب مفاهيمه. وجيه القهاوي |
أبطلق اشراعي مع الريح والليل |
والاّ أتعلق في جناح النداوي |
راع التزمّت يعتني بالتفاصيل |
فيه الفضول. وعنده الفكر خاوي |
جدّه يسوق السانيه والمحاحيل |
وابوه ما امسى في حياته خلاوي |
يفضح عيال اللي تلوّح على الخيل |
ويصفي حسابه مع أهل العزاوي |
والحب ولعه كنها قرضة الهيل |
وراع الهوى يفنى وقلبه هواوي |
لو تدفن الوادي يبا يجري السيل |
مير الحماقة تمرض اللي يداوي |
خالد البقمي |
|
