ترى الرجل بالكون قلبه دليله |
والناس يفرق يا بشر مستواها |
ناسٍ على فعل المكارم أصيله |
تفرح بشوف الضيف لا من نصاها |
تفرق سمين الهرج تفرق هزيله |
وتقيّم اللي بالسوالف تباها |
عاداتها حب القيم والفضيله |
دربه عدال وتتعب اللي قفاها |
ما همها أهل الردى والرذيله |
تمشي وتمشي ما تلفّت وراها |
وناسٍ تجيب علوم غبراء دخليه |
تتبع جنود إبليس يكثر عناها |
دايم تطفل وبحياته بخيله |
مع زود ماله زاد حتى شقاها |
لا له علومٍ تنحسب بالجميله |
قشران والقشران ما احدٍ بغاها |
لكن على الرحمن منجي خليله |
إنه يعدل الحال منشي سماها |
عبدالكريم إبراهيم بن خزيّم |
|
