قسم بالله.. ما حرك خباث الهرج احساسي |
ولا والله هز اللي كتب فيني.. شموخ الراس |
رفعت النفس بالعقه وانا ادري ما على راسي |
مدام اني اعانق به.. مراديم السحب لا باس |
شموخي فوق هامتهم.. ولعب القاف نبراسي |
خذيت من الشعر لعبه.. ادوزنها بكل احساس |
الحن حرفي الصادق.. واصب الشهد من كاسي |
ابا اروي من قرا شعري.. عذوبة حرفي الحساس |
زرعت القاف من نبضي.. تعطر فيه جلاسي |
تحرفنته قصايد حب.. جنيته والغلا نبراس |
تسربل صافي المعنى ما بين الصمت وارماسي |
اغيب بحرفنة قافي.. يصحيني من الوسواس |
يقولون الغنج كذبه.. واقول الصدق كراسي |
يشع النور باطرافه.. يلبسني عقود الماس |
على ثغر الورق تضحك حروف الحب ب/انفاسي |
تراقص بيدي الفكره.. تحوم وكنها القرناس |
على هام الشرف ترقى.. تنومستني بمجلاسي |
وترفع هامتي للغيم.. ولا تنزل على الأنجاس |
تنفست الشعر يمه.. ورثته من بدا سامي |
رضعته والشرف لـ/امي.. كتبته والحيا له ساس |
شعر غنج نجد - الرياض |
|
