|
المكرم الأستاذ محمد العبدي مدير التحرير بجريدة الجزيرة السلام عليكم ورحمة الله وبركاته..
|
هذه القصيدة خاصة بنادي الهلال بطل كأس ولي العهد لعام 1430هـ أتمنى أن تنال الرضا وتجد النشر مع الشكر لشخصكم الكريم:
|
في روضةٍ غنى بها الطير موال |
وسط الخزامى شادي والنفايل |
يازين سجعه فوق بالجو يجتال |
غنى طرب والعشب تحته تمايل |
أدخلني في جو به الشعر همال |
ونظمت عن عشقي بيوتٍ جزايل |
أقول تسلم (يا زعيمٍ) للأبطال |
ويسلم رئيسٍ (للعصا) دوم شايل |
نادي رئيسه (بن مساعد) إلى قال |
يصدق وتظهر للكلام الفعايل |
لك الفخر،، والفوز،، والكاس،، يا هلال |
وكسب التحدي عند حسم النزايل |
كاس (ابوخالد) طيب الذكر والفال |
(ولي عهد الدار عرب السلايل) |
الله يرده سالم من التعب خال |
اللي على شعبه كثير الجمايل |
يا هلالنا من حقك اليوم تختال |
بنجوم تظهر عند وقت الصمايل |
أهل الزعامه،، لعب،، وامتاع،، (واقوال) |
في داخل الملعب خيولٍ أصايل |
زعيم ولك درب المنصات منوال |
تصعد وغيرك ما يحصل حصايل |
حطمت فيها أرقام باسمك ولازال |
اسمك الأول من زمان الاوايل |
(زعيم) والله ما تبي كثرة جدال |
واترك كلام منفسين الغلايل |
ويا كثر ناسٍ تبني أحلام وامال |
أحلامهم يلقى (الزعيم) الفشايل |
من عاندك يلقى على الموج زلزال |
لاثار سوى في خصومه هوايل |
أنت (الزعيم) اللي له المجد منزال |
وما طايلك (يا هلال) بالمجد طايل |
ويامدورٍ، للفن مع راحة البال |
شجع هَل الطولات (زرق الفنايل) |
(هلال) نادي القرن معشوق الأجيال |
تاريخ مجدٍ ثابتٍ بالدلايل |
ناصر صالح الشعلان - (جريح نجد) |
|
غير الهلال الكأس ما حد ينوله
|
فاز الهلال وكلكم باركو له |
يستاهل التقدير والفوز والكاس |
دايم يحقق بالملاعب بطوله |
أهلالنا دايم وهو رافع الراس |
كاس لولي العهد وشعبه دعوله |
الله يرده للوطن عل ما باس |
غير الهلال الكاس ما حدن نيوله |
كلن شهد لعبه كثير من الناس |
جاب المفرج الهدف صفقوله |
يلعب بتركيز ولعبه على ساس |
الفوز دايم ما يجي بالسهوله |
الجهد ينتج فوز واللعب مقياس |
خالد بن صالح بن عيادة - الرياض |
|
|
زعيم جاب البطوله |
في اللعب محد يطوله |
رايع بفعله وقوله |
الكل بيشجعه |
هلالى محلا فعوله |
سمعت كل يقوله |
تعامله به مرونه |
بالعقل ما اجمله |
إذا لعب صفقوا له |
من جاء وناظر فعوله |
إذا حضر للبطوله |
يلعب وحنا معه |
يا زين يا ناس لونه |
من ناظره ابعيونه |
الكل هم يعشقونه |
خسران من قابله |
الشاعر حمد الفرج - لاعب سابق |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
الشاعر عبدالله أبوراس |
|
|
بمناسبة حصول نادي الهلال على كأس ولي العهد كتبت هذه الأبيات المتواضعة في (الزعيم):
|
قالوا وش عنوان الزعيم |
قلنا عنوانه معروف عالي المنصات |
دايم هو مع جمهوره كريم |
يكرمهم بالفوز وتحقيق البطولات |
الأزرق ما هو في البطولات عقيم |
ياما رفع الكؤوس ومحقق الأمنيات |
أهدافه دايم في الصميم |
افرح يا جمهور وارفع الرايات |
الزعيم ماشي في الدرب السليم |
وغيره نائم يغط في سبات |
عاشق الزعيم - عرقة |
|
