مجاراة لقصيدة الشاعر بدر بن عواد الحويفي التي ينصح بها أهل الصقارة.
|
بدر الحويفي حاف قافه وسواه |
القاف يجي برغبته واختياره |
بيت القصيده لبناه وتبناه |
يصير مثل النار في راس قاره |
جزل المعاني ميزة من مزاياه |
بيطار شعر وصوغ الامثال كاره |
لعل عجلات المنايا تعداه |
تفوت يم اللي شكى الضيق جاره |
يا بدر وين اللي تبيه وتمناه |
حتى الطبايع غيرتها الحضاره |
أنت بزمان العولمه والمساواه |
كثير غير الصقر ضاع اعتباره |
يا بدر وين مدور الصيد يلقاه |
ما شافه اللي دوره في مداره |
راع الولع يا بدر من تو خلاه |
من دون ضوح الشمس ركب ستاره |
خل الغشيم من البشر واجد اخطاه |
وان اعتذر جايز قبول اعتذاره |
أكبر من اللي شفت شي سمعناه |
عن واحد شوى الثلاثه بناره |
