لو تضيق الليالي أو تضيق الصدور |
الحزن ما يرجع لو تفيض عبره |
القصايد مراثي.. قبل يوم النشور |
تنكتب بالمدامع مالها محبرة |
سنة الله ولا للناس فيها عبور |
والمصايب جللها يوم ماتت مره |
اسألوا نجد عنها طيبها ما يبور |
واسألوا البيت والحنا على المنظره |
راحت اللي غلاها باني له قصور |
وسط قلبي وعيني ما كثره.. ما كثره! |
عقبها ضج حزني وانطفا سراج نور |
والقراين عليها الدمع في محجره |
يا حلاها (وأنا جدتك) بهجة سرور |
لانطقتها غشتني فرحة مبهرة |
أزهد الخلق واطيبهم عظيمة شعور |
تشتري الدين بالدنيا بلا مفخرة |
هي رضاب الندى عقب الفجر والسحور |
واخر الليل ثلثه ما غفت.. تسهره |
عابده زاهدة.. واطهر من الماء الطهور |
يا إلهي طلبتك كل ذنب اغفره |
يا عسى قبرها روضة جنا دون سور |
طول مدة نظرها فيه كل ثمره |
لو تضيق المحاني أو تضيق الصدور |
الحزن يالقراين ما تفيد عبره |
عبدالرحمن بن محمد الفاضل |
|
