تعال ريحني من ايامي السود |
ترى الجفى ما به للاحباب راحه |
ما عاد بي للصمت عزمٍ ومجهود |
الصمت فيني حزن الايام باحه |
ليتك بجنبي طول الايام موجود |
هذا من اللي منك تنزف جراحه |
اتخيلك وردٍ ربى في هوى النود |
واتخيلك بعيون الاشواق واحه |
واتخيلك صرحٍ للاحزان ممدود |
حطم براكين الاماني جماحه |
ليت الزمان اللي تناساني يعود |
ويشوف لي من عذب الايام ساحه |
وتعود لي بهجات الايام بسعود |
وقلبٍ طواه الحزن يطلق سراحه |
يا سلوة الخاطر ترى العمر محدود |
متى ينول القلب مغزى كفاحه |
أحمد حمدان |
|
