متى بترجع للوطن بالسلامه |
وتفرح قلوب الشعب بقدوم سلطان |
الشعب كله ما اهتنى في منامه |
كلاٍ تحرى رجعتك يا كحيلان |
وكلاً دعى لك بالشفاء يا حزامه |
يرجون ربٍ خالقٍ كل الاكوان |
ما يلحق اللي ضاق صدره ملامه |
ومن لامني في حب سلطان غلطان |
يا سيدي قدرك على كل هامه |
تاجٍ على راسي واشيله من ازمان |
صيتك وصل بالطيب ذروة سنامه |
انشهد انك صرت للطيب عنوان |
كل الصفات الطيبه لك علامه |
فيك التواضع والمهابه والاحسان |
كسبت حب الشعب لك واحترامه |
ماهوب شعبك بس في كل الاوطان |
والختم ابرجي اللي تعلى مقامه |
ربٍ كريمٍ عالم السر منان |
يشفيك يا عز الوطن واهتمامه |
ربٍ يعم برحمته كل مرضان |
نقيب محمد بن عبدالهادي السيف |
مديرية الدفاع المدني بمنطقة الرياض |
|
