مرثية في الشيخ علي بن محمد الصوينع الدعجاني
|
يالله ياللي تفرج هموم وهموم |
يافارج الكربه ولو هي عظيمة |
يالواحد المعبود ياحي قيوم |
يا نور يامحي العظام الرميمه |
تغفر لذنب اللي سكن قبره اليوم |
اللي له بصدر الكريمين قيمه |
النادر اللي فالعظيمات زيزوم |
زبن الامور المعضلات الجسيمة |
الشامخ اللي يكره الكبر والزوم |
راع الخصال النادرات العديمه |
كم عان مسكينن وكم فك مظلوم |
وكم مرةٍ يصلح خصيم وخصيمه |
معدوم وصفه بين هالناس معدوم |
دين وعقل وأخلاق عزه وشيمه |
يرثيه مسكينن ويرثيه محروم |
ويرثيه من يرث النفوس الكريمه |
يرثيه ديوانٍ به الجمع ملموم |
والعود الازرق والدلال القديمه |
لا ياعلي مرحوم مرحوم مرحوم |
عد النجوم المرقبات المديمة |
وبيت الفخر يبقى على دايم الدوم |
لآل الصوينع جعل ربي يديمه |
سيرة فخر ما ضمّت ضعوف ورخوم |
سربة رجالٍ يقطعون الخريمه |
وانا احمد الله يوم عقب له قروم |
قومٍ تشادي للحرار العديمه |
قلته وانا مما جرى اليوم مصدوم |
وفي ناظري من حزن الايام غيمه |
وصدري من الاحزان ضايق ومكتوم |
كن الحرايق في ضميري مقيمه |
يالله ياللي بأمرك الرزق مقسوم |
ياكافلٍ رزق النفوس اليتيمة |
تفرش ثرى قبره بختري ويشموم |
وتضفي عليه من أصدق المزن ديمه |
نايف بن عرويل |
|
