قالوا ليالي العيد صارت قريبه

واقول انا حسيت بالعيد نقصان

العيد بايامه علينا كئيبه

يا سيدي يوم أنت غادرت الأوطان

ما كل من سافر فقدنا مغيبه

وما كل سلطاناً يجي مثل سلطان

ترى الشعر احساس ما هو غصيبه

وترى الأمل بسمه على كل فرحان

والشوف للمشتاق يطفي لهيبه

وسلطان نوراً للملا كل ما بان

سلطان ذخر الليال العصيبه

هو منتهى الرحمه على الجود وانسان

وجه بشوش وزاد نفس حبيبه

نفساً لها بالجود ساساً وبنيان

اميرنا ما فيه شيئاً يعيبه

إلا الوفا رمزاً على كل من كان

ومن جاه مهموماً وحاله صعيبه

يشوف زود الخير ما شاف نقصان

والدار تسألني ولا هي غريبه

تقول وين اميرنا عالي الشأن

طمانتها واقول ربي يجيبه

يجيبه اللي فارضاً خمس الأركان

قدومه لنا مثل المطر في صبيبه

تخضر فياض وتمتلي منه وديان

سلطان نور الدار بخيره وطيبه

والعاصمة تقول وشلون سلمان

سلمان عز لكل من ينتخي به

ينصاه من هو ذاق لوعات الأزمان

العود معه المسك لا فاح طيبه

معه تهانينا ومع الورد ريحان

خالد بن صالح بن عياده – الرياض

صفحة الجزيرة الرئيسية

الصفحة الرئيسية

رأي الجزيرة