قال ابو مشعاب يا راقين مبروك البطولة |
عيدكم عيدين يا غالين في عيد الضحيه |
هذا الأهلي لا لعب يمتع وله صوله وجوله |
حقق الإنجاز جاب الفوز في روحة وجيه |
الفضل لله ثم لخالد الأبطال بالله صفقوا له |
كأس الأهلي قدموه لعين أبو فيصل هديه |
عاش ابو فيصل ولد حاكم جزيرتنا قفوا له |
احترام وصفقوا لأستاذنا ما فيه زيه |
عاش من يعشق علمنا أخضر ويصعب وصوله |
لا إله إلا الله أخضر له سلام وله تحية |
هذا الأهلي هذا راقي حقق الكأس اهتفوا له |
عاشوا الأبطال ما ننساك يا ذيك العشية |
لا لعب يطرب بفنه كله إخلاص ورجوله |
لو كتبت الفين بيت أشعار بحروف أبجدية |
ما وفا حقك يالأهلي والله أكرر وأقوله |
يتعب الشعار في نظم الشعر فيكم قضيه |
علموا من شكك بإنجازنا عاد اشرحوا له |
خلوا الحاسد يموت ونيته دايم رديه |
وش يقول اللي يشكك فيك وبنبره خجوله |
وش يقول اللي تكلم بك بصيغة نرجسيه |
يكفى إن الفعل فالميدان وبعرضه وطوله |
لايكررها على الراقين ورجال الحميه |
العلم مرفوع لون أخضر ترى محدن يطوله |
ما نخاف يكون من رب البشر سيد البريه |
آه يا عمري يا الأهلي أعشقه وأموت حوله |
دامت الأفراح يا راقين غنوا سامرية |
والسلام ختام يا راقين بالله افرحوا له |
كل عام نشوفكم بأفراح في عيد الضحيه |
الشاعر/ دخيل الله الحارثي- الرياض |
|
