ما ودي أدخل في متاهات الأحباب |
أدري بدايات البداية نهاية |
بحر الهوى ما له سموات وتراب |
أخاف يجرفني ويبعد مدايه |
واصير مثل اللي يقولون لا شاب |
ودوه يتعلم حروف القرايه |
سوق المحبه طبه عيال الأجناب |
المحترف واللي مجرد هوايه |
ناس تغير ولا معه خيل وركاب |
ترمي ولا تعرف فنون الرمايه |
تقطعت دون الرجا كل الأسباب |
حتى الوسيلة صارت اليوم غايه |
ما عاد باقي للزهر لون واطياب |
تاهت عن أوراقه كفوف الرعايه |
أيست من شي مضى والقمر غاب |
ولا ظنتي عقب النهاية بدايه |
قبل أمس أطالع بالمرايه وانا شاب |
واليوم صرنا ما نشوف المرايه |
ما فات مات وسر الأيام بكتاب |
ما يفتح الا في ختام الروايه |
والسدرة اللي خش بغصونه الداب |
أباعتزلها واتحصن (بالآيه) |
متعب المسطح - رفحاء |
|
