من صد عنّي يا عرب عنه صديت |
مالي لزوم فيه خله يولي |
لا صار ما ياقف معي لا تبليت |
مانيب أعده لو ضحك منصحلي |
لو هو من الحيين يحسب من الميت |
بعده ولا قربه ربيع وهو ليد |
يا حلوها دونه حماد وسباريت |
يعنّبها السرحان راس المطلي |
ويا حلوها دونه تقطع الأصاويب |
يلعبها ورقا الحماما أدولي |
واشب ضوي وتكيف مع البيت |
في مجلس مع صاحب ما يملي |
والجيب (فكساراً) على ما تمنيت |
قدام عيني واقف خاضعلي |
ولا حان وقت الغرض لرب صليت |
وأرفع الأذان وبالاقامة أصلي |
كني ملكت الكون لن رحت وإن جيت |
مستانس ما بين خب وتلي |
بعدي عن الأنذال يرفع لي الصيت |
واخذ به أيام الرخا مسفهلي |
عبدالمحسن بن سليمان القويفل |
|
