يا طول صبري وبعض الصبر ما فيه خير |
كيف أعسف النفس وتطيق الذي ما يطاق |
واجرها في يديني مثل سلك الحرير |
والفها لفة الجمال حبل الوساق |
لكن لو قلت عادي كل شي يصير |
قالت خسرت الوفا وكسبت وجه النفاق |
احترت من وين اجي واحترت من وين أسير |
يوم العسل مر والعلقم لذيذ المذاق |
وجيوش الافكار يوميا براسي تغير |
ضاقت علي الفجوج وكله الكون ضاق |
ورديت شكواي لله العلي القدير |
من رد يوسف على يعقوب بعد الفراق |
يرد خل غرامه ساطي بالضمير |
له الوفا والصفا والحب والاشتياق |
أحيا بذكراه والذكرى عذاب مرير |
وأعيش بين الرجا والياس والاحتراق |
عبدالرحمن الحجي |
|
