أنا ولاي وحنيني للسعوديه |
الديره اللي تباها في مساجدها |
شرع النبي شرعها وامجادها حيه |
من عهد عبدالعزيز اللي موحدها |
المملكه في حمى الرحمن محميه |
بقيادة اللي على الطولات قايدها |
بيت السخى والسياسه والشهاميه |
بيت جميع المكارم فيه تاجدها |
زعيم الإسلام بالروحه والجيه |
وبالوقفه اللي جميع الكون يشهدها |
صفوة ملوك العرب لاثارت الهيه |
مواقفه عجزت الأقلام ترصدها |
له نظرةٍ ثاقبه ماهيب دونيه |
أحيا زمان الصحابه في عوايدها |
له رفرفت راية الدين الحنيفيه |
وقيادته تبهج الأمه وتسعدها |
يابختنا في ملكنا صافي النيه |
نعمه من الله ولي الكون نحمدها |
ويا قبلة الله عليكم يالسعوديه |
أقولها في سما الغربه وارددها |
ويجيرك الله يا عبدالله من السيه |
آمين يا خالق العالم وسيدها |
عبدالله بن غازي الحنيني |
بريطانيا - لندن |
|
