لاح لعيوني سنا برق سرى يلمع بنوره |
يا بشير الخير يالبرق الجنوبي يوم لاحي |
المطر لا طاح جدّد للشقي قمة سروره |
خضّر اقلوب البشر يوم اخضرّت ذيك البراحي |
آهـ يا شوق بقلبي زاد في قلبي حروره |
من لهيب الشوق صبري فاضي والدمع ساحي |
تكفى يا طير تعلاّ في السما تسمح بدوره |
خذ ثيابي واعطني يا طير ريشك والجناحي |
وإكسب المعروف لا تبخل تراني في خطورة |
ودي آصلها بتالي الليل من قبل الصباحي |
ودّي اتنفّس هواها الطلق مع صافي عطوره |
ودّي اشرب من منابعها عذب ماي قراحي |
ودي آمتع عيوني بشوفتي لاجمل زهوره |
ودي اداعب نسايمها عسى دربك سماحي |
والمكان اللي جمعنا له بجوف القلب صورة |
يوم بدر الصيف صافي فوقنا للهم ماحي |
سقيت سنين مضت والعمر باقي في بدوره |
والمرابع وارفة خضرا وقلبي بانشراحي |
علي بن حسن القحطاني |
|
