صح المحبة تاخذ سنين وتموت |
تموت في كف القدر في دقايق |
وان الوفا هو قسمة ارزاق وبخوت |
وتغيب في عين المواقف خلايق |
ايه الفرح في وجه الأيام مكيوت |
دام الغلا مدفون بين الحقايق |
حبل الرجا إذا انقطع يبني بيوت |
لاشك ما يبني بشتى الطرايق |
اللحظة الحلوة هدر دمها الموت |
يسوقها لحتوف الأزمان سايق |
يعني لا فات الفوت ما ينفع الصوت |
ولا ينفع يدينك صكوك ووثايق |
وانا نفعني ذكريات بتابوت |
علقتها بيدي في كل لايق |
يشيلها بال به الحب منحوت |
تقول في دنياه فايق ورايق |
موج الليالي في الصدر والبحر حوت |
يا عم روقها ولو كنت ضايق |
جرح الزمن في ذهن الايام مثبوت |
لابد من نزفه ولو منت طايق |
شعر – النجلاء |
|
