سلمان يا فخر الرياض وسعدها |
يامير نجد الحاضرة والبوادي |
حرٍ يروم العاليات وصعدها |
بالعدل ما له فالجزيره ملادي |
يا معوض الأم الحنون بولدها |
ويا نصرة اللي فوقه الحمل زادي |
مواقفه ما احدٍ بمحصي عددها |
مزبان من جا بالكلبشة يقادي |
وراعي يمين ما يغلق مددها |
في كل يومٍ مدها بازديادي |
حلاّل عقد الكايده من عقدها |
عز الصديق وسقم عين المعادي |
يا نسل من هام الرياض وهجدها |
هجاده اللي ماش مثله هجادي |
وحّد بلادٍ بالعنا طال امدها |
عقب النهب والسلب والاضطهادي |
وثبت على حكم الشريعة وتدها |
وخلّى مواذين المساجد تنادي |
سهر ليالي طايلة ما رقدها |
لين الامن بالحكم والعدل سادي |
وخلّى المواطن عايشٍ في رغدها |
وبنا الهجر والمدن في كل وادي |
بلادنا اللي ما خسر من قصدها |
الها بنصر الدين موقف ريادي |
في خدمة الإسلام تبذل جهدها |
قول وفعل ما هوب هرج الروادي |
مواقفٍ تعرف وكل شهدها |
هم نصرة المظلوم علمٍ وكادي |
واهل الحقد تبا تموت بحقدها |
برواحنا دون المحارم نفادي |
يا الله بالايمان والامن زدها |
في ظل حكام السعد والرشادي |
أفعالهم بالطيب كل حمدها |
حكمه وميز وكل رايٍ سدادي |
وصلاة ربي عد مرزم رعدها |
على النبي الهاشمي خير هادي |
غلاب خلف المورقي |
|
