ما بثه التلفزيون السعودي عن عناصر الفئة الضالة التي استخدمت (الشبكة العنكبوتية) لتضليل الشباب وتجنيدهم في شلة التفجير والتكفير أثلج صدور الجميع لأنه أعطى دليلاً آخر على قدرة رجال الأمن في كل موقع على كشف مخططات الضلال وفضح زيفها.. والشاعر ساير الحبيل في هذه القصيدة يصور جانباً من مشاعر أبناء الوطن تجاه ذلك الحدث حيث يقول: |
يا أهل الإنترنت ياللي تبثون الضلال |
تنشرون أكذابكم في شبكة العنكبوت |
كل خالي عقل يكتب على كيفه مقال |
واحد يثبّت والآخر على كيفه يشوت |
الوطن يا خالي العقل من دونه رجال |
ما نجامل فيه لو كان من دونه نموت |
بيعةٍ ماهيب بإيميل وإلا باتصال |
ولو عرف مضمونها المنحرف منها يموت |
يستجّرون المهبل على طرق الهبال |
ولا علينا من كلام المنافق والشموت |
كلهم في بحر عشرين كالحشو الغفال |
الحشو غفال والناقه الملحا خفوت |
جنبوا درب الشريعة ولا نالوا منال |
ناقصين وفاشلين ورديين السموت |
أنت ياللي تكتب الزور جاوبني تعال |
وش تبي وش مقصدك من كبيرين البخوت |
أهل حكم وراسيين مثل وصف الجبال |
ولبسوا لبس العدالة مثل لبس البشوت |
نزحوا عنا الدول في المعارك بالقتال |
وخابرين فعلهم قبل ترسي الجيلبوت |
فالجزيرة صال ابوهم بسيفه ثم جال |
لين صفا زمرة السحت وكبار السحوت |
هم أهل الأجرب هل العدل والواقع يقال |
والله إنا لو سكتنا يضايقنا السكوت |
ساير بن نايف الحبيل العتيبي |
|
