مضى الليل وعيون المساهير ماله ليل |
صباح البختري يارفيقٍ تباطيته |
على الوعد دايم صاحبك مشعل القنديل |
اخيل السحاب ومرقبي ما تعديته |
غدابك عن دروب المواصل عجاج الخيل |
خذتك السنين المدبره وانت جاريته |
تغيب وحياتي كلها بس حط وشيل |
كرهت الحضاره والسواليف مليته |
وانا اليوم صبري مابقابه حياة وحيل |
تركني وانا والله مجبور خليته |
خلاص انتهينا باقي القلب للتقبيل |
وترى من طلبني خافقي منت واعطيته |
تجف الصحاري والسحايب تجيب السيل |
تبي تروي الضامي من المي في بيته |
قراري ولو جار الزمن ماقبل تعديل |
ترى من نساني لو ذكرني تناسيته |
سعيد العمودي |
|
