في رثاء الابن بدر بن سعد السقياني رحمه الله تعالى |
جوني يعزون الرفاقة والاقراب |
في طيري اللي مات فارق يديني |
قبل أمس أعديبه على كل مرقاب |
طيرٍ ينومسنس ومني وفيني |
واليوم جا من بيني وبينه حجاب |
اللبن دونك يا بدر محتديني |
دنيا العنا تسعى لتفريق الاحباب |
لا وعنا قلبي ويا سهر عيني |
وأنا اعرف إن الموت ما عنه مجناب |
واللي كتب لي لازم انه يجيني |
الآدمي مطلوب والموت طلاب |
يارب رف بعبادك الصابريني |
القبر دونك يا بدر قفل الباب |
والموت شح بشوفتك ياضنيني |
مرض افراقك ما تداويه الأطباب |
ولا ظني اسلا لو تطول السنيني |
بعدك ودمع العين يا بدر صباب |
أسهر وسابع جار يسمع ونيني |
يا لله يا معطي بلا عد وحساب |
ترحم بدر وأنت أرحم الراحميني |
عساه في جنتك يا رب الارباب |
يا لله تقبل دعوة الوالديني |
سعد بن مصلح السقياني |
|
