راشد بن جعيثن بسلس مفرداته وأجمل تعابيره يصيغ لنا هذه القصيدة المفعمة بالحب للأرض |
لي ضاق صدري هاتو الجيب يا سعود |
(أنهج جنوب وحاجتي من شمالي) |
أضرب تخاتيخ الخلا وانطح الكود |
أما تجي وإلا تصرم حبالي |
دروزتها ما بين حاوي ومردود |
واليوم طق الخلق مما جرا لي |
أما حياةٍ حيها يكسب الزود |
وإلا يموت الحظ واقفاه تالي |
جداننا اللي ورثونا غلا العود |
صكوا على الاقدام قفل الليالي |
روس الخشوم اللي تصافق بها النود |
من دونها نرخص غلا كل غالي |
لو كان ما فيها لنا يا عرب فود |
دارٍ تقلب بين مرٍ وحالي |
راشد بن جعيثن |
|
