في زيارة خاطفة لمدينة الرياض قام بها الشاعر الكبير عضيب بن هليل الحربي كان لمدارات لقاء قصير معه ولدى سؤاله عن الجديد قال: ليس لدي جديد الآن وبعد إلحاحنا عليه قال: هنا قصيدة أحبها لأنها في مدح صديق عزيز توفي قبل عدة سنوات هو محمد بن عوض بن سرور الحربي - رحمه الله - يسرني أن يطلع عليها قراء الجزيرة عبر هذه الصفحة وهذا نصها: |
يابو عوض يا ريف من قال وينك |
يلقاك في رجم الشرف دايم الدوم |
ليا جاك ونيان الجهد يستعينك |
متحيرٍ فكره مثل قاعد النوم |
يفرح ليا شدت يمينه يمينك |
من عقب ما يمشي عن الدرب منجوم |
ان جا بعيد الناس.. وان جا خدينك |
يضحك حجاج اللي تنصّاك ملزوم |
قولة هلا يا مرحبا في جبينك |
يوم الردي كنه على الخشم ملطوم |
فزت بشرف دنياك وأمور دينك |
لا جايبٍ نمه ولا ناقلٍ زوم |
دايم رفيقك كنه صبي عينك |
عن ما يمس شعور صاحبك معصوم |
الله يمتع في توالي سنينك |
ياللي طواريقك بعيدٍ عن اللوم |
شرحت وضعك والعرب عارفينك |
يدفعك للعليا تقاليد وسلوم |
بعض البشر لو تعتزي به يهينك |
لازم يحط برفقته رايحة ثوم |
عجزت لا افهم يا زماني رطينك |
لكن عرفت إن العسل منك مسموم |
وما ينتفسر بين خبثك وزينك |
لا أقول لك طاهر ولا اقول مذموم |
مدري ندين الناس والا ندينك |
يبدي لنا حدا الطرفين متهوم |
عضيب بن هليل الحربي |
|
