يا سيدي يا نايف المجد والجود |
يا ابن الإمام المقتدي في نبيه |
سلام ترحيبة غلا ما لها حدود |
تنساق من حب القلوب الوفيه |
بيوت شعرٍ ما تنازل عن الزود |
تختار لك جزل البيوت القويه |
أبيات فكرٍ ما لها عنك صادود |
في كل عام يجددن التحيه |
يا سيدي والقاف براق ورعود |
ومن لا يقول الصدق حاله رديه |
والصدق حبك ما يبي حكم وشهود |
يشهد عليه الله رب البريه |
حبك ولاء وأنت الولاء منك موجود |
يا منقذ الأمجاد من جاهليه |
يا الحاكم اللي ما ذخر كل مجهود |
دون الوطن حتى جعلها حميه |
محنك سياسي حنكة ملوك وأسود |
من راس بو تركي ورثها سجيه |
كم واحدٍ يشكي لك الوقت مضهود |
يروح ما كنه شكاله شكيه |
أنجزت ما يثني مسافات ووفود |
حتى وصل ما انجزت للعالميه |
مبادئ الاصلاح بأفكار وجهود |
في الغرب صارت مضرب العبقريه |
هاذي الديمقراطية اللي بها فود |
ما هي كلام محرفين القضيه |
يا سيدي والقاف لو طال محدود |
في شرح ما تحويه سيره مديه |
سيرتك سيره تفرق الوضح والسود |
على الشرف والعز والمقدريه |
وحنا لكم يا سيدي درع وجنود |
فداء فداء دونك نحب المنيه |
واسلم سلمت وهاجس الفكر مشدود |
ولازال باقي في كلامي بقيه |
الله يديم العز في حكم آل سعود |
ويديم نايف عز للداخليه |
محمد بن عبدالرحمن الصفيان |
|
