وهرجٍ بلا فايده معناه برقة ريش طاووس |
سوق المجالس لبيب الهرج والانسه عروسه |
والفكر غبّة بحر ما احد يجيه الا معه قوس |
والخامل اللي يمشّي جالبوته قبل قوسه |
بغيت لي مربع قفر كلاه وصار مانوس |
داجت عليه الرعايا عقب ما جوني عسوسه |
سريت والبدر منهي واستكن البدر مطموس |
وظليت حيران بالافكار والرجل محبوسه |
يالله يا واحد فرد صمد سبوح قدوس |
تفرج لمن باع عشر بخمس والخمس مخموسه |
ان ترحم اللي جرا له من صروف الوقت عاكوس |
اسباب هجر الزمان اللي بحذيانه يدوسه |
عبدالله بن دويرج |
|
