سلام الله سلام كل ما طال الهدف له طال

سلام المسلم اللي منهجه ما يخلف النيه

سلام سامي عن كل شك ولا عليه جدال

على وضح النقاء والناس مأموره ومنهيه

سلامي للبلاد اللي لها كل الولا ينقال

بلاد حكمها نهج آخر الكتب السماويه

سلام الله عليها كثر ما شدوا لها الترحال

من أول رحلة عبر الزمن والناس رجليه

وكثر ما عاش فيها من زحازيج الرجال رجال

وكثر ما جاهدوا ضمن الفتوحات الجهادية

وكثر ما سولف التاريخ عن فرسانها الأبطال

قصص تبقى لياخر يوم بصدور البشاريه

لنشر الدين الإسلامي سعوا ما هابوا الأهوال

حيث ان الدين هو معنى الحياة وكل حريه

تسامح واعتدال وعتق نفس وشيمة واجلال

وصلة رحم وتواضع والتزام بكل جديه

ولا غدر ولا غيبه ولا حاقد ولا محتال

ولا به تفرقه بين البشر من كل جنسيه

عزيزة يا بلاد فالها من كل طيب فال

بلاد العز والأمجاد والرايه سعودية

سعودية وهذا الاسم له صدق الغلا ينهال

يفوق الواقعي من كثر حبه والخياليه

سعودية غلاها يلغي الطيب من البطال

من أديار الشعوب الأجنبية والعربية

سعودية غلاها ما يعادله الولد والمال

نبيع ارواحنا من دونها من دون جبريه

بلد مكة وطيبه حبها في قمة المنزال

عساها عن جميع أهل الحسد والغدر محميه

بلد قبله لكل المسلمين وللشعوب اظلال

عن احداث الزمان وشمسها دايم لها فيه

بلد جميع مسلم بالوجود وله بها مدهال

حماك الله يا بلاد الشعوب أهل الشهاميه

سعوديين في وقت المواقف تقل وصف أجبال

نهار المعركة ما عاد به حسنه ولاسيه

يسوقون العمار وفعلهم تضرب به الأمثال

وقبل النصر ما يطري عليهم هاجس الجيه

شعوب فعلها وقت اللزوم يحطم الافعال

ولا به شيء خافي فعلهم ما فيه سريه

شعوب عزها الله في بلدها واستقر الحال

على عدل ومساواه ونزاهة حكم شرعية

دحيم النومسي

صفحة الجزيرة الرئيسية

الصفحة الرئيسية

رأي الجزيرة