القصيد إن ما بديته في ذكر رب العباد |
صار كنّه ضلع اعوج لو تعدّل به يميل |
يا رحيم ويا غفور ويا كريم ويا جواد |
يا إلهي لك نسبّح كل صبح وكل ليل |
يا رءوف في عبادك يا عظيم بالوداد |
يا عفو زاد عفوه فوق قولتنا جزيل |
أحمدك واشكرك وابني من محبتك اعتقاد |
اعتقاد الله واحد ما إله ندو مثيل |
ان سجد وجهي سجد لك قبل لا يسجد فؤاد |
وان رفعت كفوف حاجة جيت لك عبد ذليل |
يا الهي لك رفعت يديني واطلب باجتهاد |
بطلبك عون يشد الباس والفوز الحصيل |
بمتدح ذاك الزعيم التي يقود ولا يقاد |
فارس خيله كلام وفعله السيف والصقيل |
سيف حق ما ضرب بالناس من باب الفساد |
سيف حق حاكم بالدين والعرف الأصيل |
يا صهيل الخيل يا زيزوم يا قدح الزناد |
يا سليل العز يالمحمود بالشهم النبيل |
يا بياض الحق لا بين من الباطل سواد |
يا ملاذ الناس بعد الله يا زبن الدخيل |
يا محكم بالشريعة بالتناصح والتواد |
يوم كان صار حكمه كيف والميل الدليل!! |
معطي كلن حقوقه في زمان الاضطهاد |
عادل من فضل ربي يازن إليا جا يكيل |
ليّن الجانب صدوق الود فيه الطيب زاد |
رائف بالناس متواضع ومحشوم وجليل |
في يمينه فيض سحب قد تناشت فوق واد |
في يساره سيل واد ما تناقص بالمسيل |
ما بنت يمناه مجد كاذب لا ساد باد!! |
ولا جلس صيته وسط صدر المجالس من قليل |
دام أبو متعب سنام المجد هو درع البلاد |
الخلايق كلبوها تفتخر به جيل.. جيل |
كم تباهت به قصايد فيه تزهى والوكاد |
هالقصيدة عين واسمه مكحله والحرف ميل!! |
بنت وما به في يديني لا عديد ولا عتاد |
واتخطى الجرهديّه متر.. متر.. وميل ميل!! |
واكتب بيوت القصايد من فضل رب العباد |
وامدح اللي يستحق المدح بالشكر الجزيل |
نوف بنت شطيّط العتيبي - عنيزة |
|
