سلام يا سلطان رجل الشكاله |
اللي دروب المرجله منهج له |
ولي عهد المملكة بالعداله |
والجيش يفخر به وهو قايد له |
بدر طلع من يوم بين هلاله |
نوره غطى نور القمر والاهله |
ولو شانت الأيام يضحك قباله |
سهل الجناب اللي حجاجه يفله |
يرسي كما ترسي رواسي جباله |
مثل الجبال النايفات المطله |
ذرى يذري عن هبايب شماله |
وظل يظلنا عن الحر ظله |
يصرف على كل البشر من حلاله |
يصرف عليهم كنهم من هل له |
يصرف عليهم مثل قصر عياله |
طبع الكرم من خلقته عادة له |
تعطي يمينه ثم تعطي شماله |
عطيته تبري الكبود المغله |
يودع اغبار الفقر تبعد ارحاله |
يغنى الفقير اللي يدينه مقله |
كم من يتيم عايشن في ظلاله |
وكم من فقير يابس الكبد بله |
ياللي تبون الطيب صعب مناله |
الطيب مع سلطان يملك سجله |
إن كان تبغون الوفا والجماله |
سوو مثل سلطان في مدة له |
مدو مثل راع العطى بالجزاله |
ولا اتركو للطيب ناس تدله |
الطيب مرقابٍ صعيب وصاله |
صعب على اللي عاجز ما وصله |
لكن ابو خالد رقا واعتلاله |
فوق الثريا والقمر منزل له |
وصلوا على المبعوث راع الرساله |
نبينا اللي بين الدين كله |
بداح بن محسن بن عبود السهلي |
|
