مرثية في الشيخ حمود بن دليم الوتير الحمادي. |
يا سناح لا تشكي من الوقت والونه |
سند لي الوقت والونه وألحنها |
حالي طويته الليالي طية الشنه |
والعين هقت مغيب الشمس تحزنها |
أزايم الهم يا ابن العم وأكنه |
ودموع الأحزان في عيني مخازنها |
كلن فقد له فقيده واختلف ظنه |
والعين طيف الفقيده دوم ساكنها |
أصبر على الوقت لو انه ولو انه |
صكات الأيام في راسك تفننها |
كم واحد يا ولد حنس توطنه |
الخلق تفنى ولو تبقى مواطنها |
أبشر بعزك وأنا منه ولا عنه |
النفس للي مثل شرواك راهنها |
حيل الله اقوى ولا لأهل الزمن منه |
أترك خوي علومه ما يبرهنها |
عسى عوض من فقدنا بارد الحنه |
وعظامهم من لهيب النار يأمنها |
راح الكبير الفقيده والقدر سنه |
سلايل اللي خيول العز راسنها |
حمود وحمود من مثله ومن كنه |
وجه المجالس وجاه الروس وأمتنها |
شيخ كبار الدعاوي ما تعدنه |
واليوم يا سناح لا منها ولا عنها |
أبو سعد راح والأيام غبنه |
وأنا عيوني عليه اليوم محزنها |
ما دام ليل الشتا كنه ضحى الكنه |
أنا على العهد في أيسرها وفي أيمنها |
يا سناح سند على الوقت والونه |
وأنا بأغني طواريقي وألحنها |
عيد محمد الحمادي |
|
