هذه القصيدة رثاء في رفيق العمر المرحوم بإذن الله عبدالمحسن بن عبدالكريم السبيل |
الله يا قلب جرا له عواثير |
لا واهني أهل القلوب المريحه |
قلب يلوفه مثل حام السواعير |
والكبد تنزف من بلاها جريحه |
عليك يا راع الدلال المباهير |
اللي يحط مع الذبيحه ذبيحه |
أبو كريم بالليالي المعاسير |
رجل الوصالة والعلوم الصريحه |
راع الصخا والجود ريف الخطاطير |
ما جمع الدنيا بنفس مشيحه |
ما شان وجهه لو يجونه طوابير |
يفرح إلى جوه الوجيه الفليحه |
مرحوم يا متعب حداد السواطير |
يوم الردي يضحى الضحى في مطيحه |
لا يا بعد خطو الدحوش المخامير |
ناشٍ على الخيبه عسى أمه تصيحه |
تبكي رحيلك كل عجز ومصاغير |
وتبكيك عقال الرجال السميحه |
وتبكيك تلعات الرقاب الغنادير |
وكثر البكا ما فادنا لو نصيحه |
أرجي من المولى يجازيك بالخير |
عسى مقرك بالجنان الفسيحه |
محمد بن سليمان العويويد |
|
