ترقرقت دمعة الحرمان بأحداقي |
من قلة الحيل لا جفت ولا طاحت |
مع كل ذكرى سرت تأخذني أشواقي |
يبكيني البرق. والورقا ليا ناحت |
أحب جرحك. وأحب إحساسك الراقي |
ملكتني والعواطف يمك إنزاحت |
وليا فقدتك وديع الروح وش باقي |
عندي سوا إن غنت الأيام وإن صاحت |
مدري وش القلب فيك من الرضا لاقي |
لا تعب قلبي من أجلك نفسي إرتاحت |
ابكي عليها وهي في داخل أعماقي |
وشلون لو رحت أنا بكره. وهي راحت |
(حيرة) ولكن مع تنهيدة أوراقي |
تنفّس الشعر يوم القافية فاحت |
أبي يد اللطف بين الورد والساقي |
ما بي جمود الحجر. واغبارة الناحت |
وأنا جفوني غطاك. ورمشها واقي |
لاقفّت اهل الحكي. واعلومها باحت |
وتامن ليا جيت وأخلاقي هي أخلاقي |
ماني بمن يقنص الفرصه ليا تاحت |
خالد البقمي |
|
