أنا على خبرك أبد ما تغيرت |
الطبع اهو طبعي ونفس المزايا |
الا انت اشوفك يا حبيبي تبدلت |
منتب هذاك اللي يهمه رضايا |
ياللاسف كلك بعيني تحولت |
وسويت فيني من عذابك سوايا |
عقب الوفا والطيب يا ظالم اصبحت |
خالي عديم احساس وكلك خطايا |
منين مدري هالقساوه تعلمت |
واول تموت بضحكتي وبهنايا |
الله حسيبك منك ياما تألمت |
كل ما ذكرت انك حبيبي ومنايا |
ياما من اجلك يا عيوني تصبرت |
وزودت من بعدك عليه عنايا |
انا مثل مانا ابد ما تغيرت |
الا انت اشوفك ما بقابك بقايا |
يوسف الخلف |
|
