دامك معي ما علي خلاف |
أسلى معك يا نظر عيني |
هو بس وجه القمر ينشاف |
يطل نوره ويمسيني |
يا شوق قلبي وروح القاف |
يا شعر وشعور يحويني |
معك حياتي زهر وأرياف |
غيمة حنانك تواديني |
مثل المطر لا همى هتاف |
دربه عبير ورياحيني |
يا بلسم الروح يا شفاف |
يا عطر فاح بدواويني |
أنت الأمل يوم حظي راف |
معك بدت تثمر سنيني |
لاغبت عني ويومك طاف |
طيفك هو اللي يسليني |
أرقى معه فوق للمشراف |
وأكتب مناجاة قلبيني |
فوق السهر والنجوم إلحاف |
أحس همسك يناديني |
حبي رسالة بدون غلاف |
كلٍ درى في عناويني |
حبك هو العدل والإنصاف |
دامه رجح بالموازيني |
عبد الله الطريسي |
|
|
| |
|
