لصرت سالي مع احبابك وناسيني |
مافيه داعي دروب الامس تذكرها |
هالحين توني عرفتك غلطة سنيني |
من يوم شفتك حياة الحب تنكرها |
اصبحت ذكرى وراحت ما لها فيني |
ما نجبر النفس لامن طاب خاطرها |
بروح عنّك عسى الايام تنسيني |
ودنيا المحبه ابيك تقوم تقبرها |
العام الاول تبي قربي وتبكيني |
واليوم هذي حياتك كيف تخسرها |
خليت ناسٍ على شانك تناديني |
واقفيت عني وانا جروحي اصبرها |
اتعبت قلبي وصار الهم مشقيني |
ليت الليالي مثل ما ذقت تسهرها |
ما غير همي على الفرقا يواسيني |
فرقاك ضيق على حالي وكدرها |
ماشوف حبك مثل ما كان يعنيني |
الروح شامت وانا والله عاذرها |
خلاص كافي ما جاني منك يكفيني |
صعبه انا امشي مع دروبك واسايرها |
سطرت حرفي وقام الحرف يرثيني |
ابيات شاعر قراره جاك باخرها |
هذي نهاية غرامك يا شقى عيني |
ماتت مشاعر حبيبك وانت تنظرها |
ومدام سالي مع ادروبك وناسيني |
مابيك حتى دروب الامس تذكرها |
خليفة النعيمي |
دولة الإمارات |
|
