يا ساري الليل التوى |
قلبٍ تغشاه الظلام |
قلبٍ وتوه ما قوى |
ما جاوز اسنين الفطام |
والصدر من عج النوى |
يمفارق أضلاعي ركام |
لا تبعد الخطوة هوى |
هالليل برماح وسهام |
والجرح في صدري عوى |
من بين أضلاع وحطام |
يا خالي البال انزوى |
فكرٍ يضج إبه الزحام |
والطاري اللي ما ثوى |
حام ابعروقي واستهام |
تطري ودمعٍ لك ضوى |
جمرٍ على خد الغرام |
دمعٍ من أسباب الجوى |
والشوق بعيون الصيام |
صوت المحاجر بك دوى |
صمتٍ يعج إبه الكلام |
مادام باقي بالهوى |
قلبٍ يبادلك الهيام |
عطني من أوصالك دوا |
عطني من أنفاسك غمام |
والقلب لو مرة ذوى |
في داخلي برد وسلام |
والليل إن جيت انطوى |
ما بين خصلاتك ونام |
تعال لعيوني سوا |
والشاعر اللي فيك هام |
ينثر على غيوم الهوا |
همس وترانيم الحمام |
محمد الشهري |
|
|
| |
|
