ما عاد فالدعوى سواليف وظنون |
كل الحقايق في يدينك رسنها |
مكانتك ما عمرها تنحدر دون |
لا صرت تنشد يا هوى البال عنها |
دوك وتفرج في فوادي على هون |
فتش وتلقى صورتك محتضنها |
متربع في قاعة القلب وتمون |
ما فيه غيرك يا حبيبي ضمنها |
حجزت لك خانه على ما يقولون |
هذا بلد روحك وهذا سكنها |
ما عاد تطلع لو يجون ويروحون |
الروح روحك والزمن ذا زمنها |
غنيت من شانك طواريق ولحون |
وأتعبت رجلي من وطنك لوطنها |
لو كان ما تدري ولا الناس يدرون |
أمشي مع العالم وألحن لحنها |
بندر محمد البراق |
|
